Mitzuli: Androiderako itzultzaile librea

Kanpotar bat hurbildu da zugana. Edo zu, kanpotar, bertakoren batengana hurbildu zara. Solasean hasi zarete, baina haren hitzek ahuntz-erdara dirudite zure belarrira, eta ez dirudi hark ere piperrik ulertzen dizunik. Keinuka has zintezke, baina poltsikotik tramankulu bat atera, hari hitz egin, eta asmakizun xelebreak zuk esanikoa errepikatzen du zure solaskidearen hizkuntzan.

Guztia irakurri »»

Euskal Herriko mapa digitala

UZEIk Euskal Herriko Mapa Digitala aurkeztu du.Mapa hau Euskaltzaindiak 1998tik 2009ra bitartean plazaratutako herri-izenei buruzko 10 arauetako informazioan oinarrituta dago.Guztira, 669 herriren izen ofiziala, euskal izena eta herritarren izena kontsulta daitezke Google Maps zerbitzuarekin sortutako mapa berri honetan.Mapa arakatzeko, UZEIk bere webgunean jarri du zuzeneko esteka, Google Maps zerbitzuko helbidera bideratzen duena.Argibide gehiagorako, hona jo.

. 

Xuxen zuzentzaile ortografiko berritua

Xuxen.eus Xuxen zuzentzaile ortografikoa online erabiltzeko aukera ematen duen webgune bat da. Aurreko bertsiotik hona, hainbat aldaketa eta hobekuntza egin dira, bai Xuxenek oinarrian erabiltzen dituen datuetan, bai diseinuan. Xuxen.eus berrian, Xuxen5 jarri dugu erabiltzailearen eskura, Euskal Herriko Unibertsitateko IXA taldearen eta Elhuyar Hizkuntza eta Teknologia unitatearen artean sortutako bertsioa.

Gehiago jakiteko:  http://xuxen.eus/information 

xuxen.eus/ 

Firofox 34: Hitz egin!

Firefox nabigatzailearen 34. bertsio ere EUSKARAZ eta bideo konferentziak egiteko aukerarekin.

Firefox nabigatzailearen 34. bertsioa eskuragarri dago Linux, Mac, Windows eta Android sistema eragileetarako.

http://librezale.org/2014/12/02/firefox-34-hitz-egin/

Hobelex

Hobelexekin oso erraza da zuzen eta Euskaltzaindiak lexikoarentzat emandako azken gomendioekin bat idaztea. Gainera, akats ortografikoak ere detektatzen eta zuzentzen ditu. Doakoa da, eta PCrako edozein Word eta Outlook bertsiotan instala daiteke. 

Informazio gehagiago nahi baduzue, sakatu hemen.

Android 5.0. euskaraz

Lollipop berrian sistema eragilea euskaraz konfiguratu ahal izango da, beste 14 hizkuntza berrirekin batera. Gehiago jakin nahi baduzu sakatu : berria, zuzeu, sustatu.

kxo! Firefox 32 Androiderako

Mozilla Fundazioak Firefox nabigatzailearen 32. bertsioa atera berri du Android sistema eragilea daramaten gailuentzat. Kontuak ez luke aparteko garrantzirik izango detaile txiki batengatik ez balitz: bertsio honen berrikuntzen artean, aplikazioaren hizkuntza aldatzeko aukera aurkitu dugu ezarpenetan.

Munduan diren 6.000 hizkuntzetatik, 55 besterik ezin dira aukeratu Firefoxen poltsikoko bertsioan eta -sorpresa!- horietako bat zuk eta biok konpartitzen dugun euskara da.

Gehiago irakurtzeko... 

Bertsoapp

Bertsoapp aplikazioak dituen bertsoak, lau edo zortzi oinez osatuta daude. Oinak, errimatzen duten hitzak, bertsoetatik kendu dira eta jokuaren helburua, oin bakoitza dagokion lekuan jartzean datza. Horretarako banan-banan eta ordenez aukeratu behar dira, bertsoak zentzua izan dezan.

Informazio gehiago abarkatxo.com-en aurkituko duzue eta aplikazioa hemen sakatuz.

Nola ikusi filmak euskarazko azpitutuluekin

Argia astekarian agertutako artikulu interesgarri hau uzten dizuegu, bertan filmak nola deskargatu eta euskarazko azpitutulekin nola ikus daitezkeen erakusten digute. Interesgarria delakoan sakatu hemen.

Deklinabidea

Aurrekoan "Hitzekin jolastuz" eta "Aditza app" programak aurkeztu genizkizuen. Gaur antzeko beste programa bat aurkeztu nahi dizuegu. Oraingoan deklinabidea lantzeko app bat aurkeztu nahi dizuegu, programatxo honekin deklinabidea lantzeko aukera izango duzue. Beraz, badakizue, animatu eta instala ezazue zuen mugikor edo tabletan, "deklinabideaapp" programa. Zure tablet edo mugikorrean eduki nahi baduzu sakatu hemen.

Euskara eta internet

Tribuaren berbak saioan ikusitakoa:



Gehiago irakurri nahi baduduze hemen duzue Algara, edo ez gara blogean Kike Amonarrizek idatzitakoa: 2012ko Calvet Barometroa: euskara da munduko 51. hizkuntza.

Hitzekin jolastuz

Mugikor edo Tabletarik bai? Hemen duzue lexikoa lantzeko aproposa den programa bat, horrela,  "hitzekin jolastuz" programaren bidez euskara lantzeko aukera izango duzue. Jokoaren helburua emandako letrez hitzak osatzea da. Jokoak bakarka nahiz lagunen kontra jokatzeko aukera du (ilagunen aurka jolasteko interneterako konexioa beharrezkoa da. Hitzekin jolastuz appak 40.000 hitz dituen euskara hiztegian oinarritzen da. Informazio gehiago nahi izanez gero, sakatu hemen.

Aditzak.com

Betiko aditz taulekin aspertuta zabiltza? Zerbait interaktiboa nahi duzu? Aditz batekin zalantzaren bat? Hona hemen Garikoitz Knörrek sortutako euskal aditz laguntzailearekin jokatzeko tresna. Hautatu modua, denbora, aditz mota, eta berehala agertuko zaizu emaitza. Gainera, sakelekoan instalatzeko aukera ere badaukazu. Animo eta erabili. Interesaturik? Sakatu hemen.

Android euskaraz

Azkenean, Android sistema eragilea euskaratzen bukatu du  horretan aritu den taldeak. Android sistema eragilea euskaraz izan nahi baduzue,  hemen uzten dizuegu Argia aldizkarian agertutako informazioa. 

Euskalbar

Mozilla Firefox erabiltzen baduzue, hemen duzue hiztegiak eskura izateko aukera. Informazio gehiago nahi baduzue, sakatu hemen.

Euskalplay

Euskarari buruzko bederatzi online joko ezberdinez osatutako aplikazioa da. EuskalPlayren helburua guztiz didaktikoa da eta euskararen inguruan ezagutza handitzeko, praktikatzeko eta bide batez era atsegingarri batez gehiago ikasteko egituratuta dago. Interesa baduzue eta gehiago jakin nahi baduzue  sakatu hemen

Jakina! Euskal Tribiala

Azkue Fundazioak Jakina! online formatoko jokoa aurkeztu du. Interesa baduzue eta gehiago jakin nahi baduzue  sakatu hemen.

Nabigatu euskaraz

Euskalduna baldin bazara, Interneten ere lehenengo hitza euskaraz.

Zure nabigazio-hizkuntza konfiguratzea eta euskara lehenestea oso garrantzitsua da. Izan ere, nabigatzailearen hizkuntzak esaten dio munduari zein den zure lehenengo hizkuntza. Zein da zurea? Euskara? Eta nola daukazu konfiguratuta zure nabigatzailea?

Euskalduna bazara, Interneten ere euskaraz.

http://nabigatueuskaraz.com/

Euskara ikasi app-a

HABEren euskara-mailak egiaztatzeko 1. eta 2. mailako gaitasun-probak dituen aplikazioa garatu du Skura Mobile enpresak gailu mugikorretarako.

Aplikazioaren helburua da euskara-ziurtagiri bat lortzeko ikasten ari diren ikasleentzat erabilgarria den mobile learning plataforma bat eskaintzea. Horretarako, HABEren euskara-mailak egiaztatzeko 1. eta 2. mailako gaitasun proba-ereduak digitalizatu eta Euskara ikasiz izeneko aplikazio batera ekarri dituzte. Aplikazio hau ez da ikastaro bat, azterketak prestatzen laguntzeko erreminta edo tresna bat baizik. Android sistema eragilea duten tablet zein smartphoneetan erabil daiteke.

Aplikazioa google play plataforman eskuragarri dago.